Вялікае Княства
Заснаваны ў 2006 годзе незалежны рэсурс "Вялікае Княства" з'яўляецца працягам міжнароднага інфармацыйнага праекта "Сусветная служба "БМ" (1991-1994), у падмурак якога быў пакладзены прынцып свабоднага абмену інфармацыяй пры ўдзеле журналістаў-беларусаў, прадстаўнікоў дзвюх культур. Праект ставіў на мэце стварэнне ў незалежнай Беларусі міжнародных камунікацый новага кшталту, уключэнне краіны ў міжнародную інфармацыйную прастору, збліжэнне Усходу і Захаду, садзейнічанне сталым стасункам (ва ўсіх сферах жыцця) паміж дыяспарай і бацькаўшчынай.
У 1992 годзе праект быў падтрыманы журналістамі беларускіх службаў “Радыё Свабода”, радыёстанцый Польшчы, Літвы, Латвіі, Эстоніі, Аўстраліі, Ватыкана, прадстаўнікамі беларускай дыяспары ЗША, Канады, Англіі, Расіі, а пазней, што не менш важна, тагачасным Міністэрствам замежных спраў Беларусі.
Аднак напярэдадні прэзідэнцкіх выбараў у 1994 годзе "Сусветная служба "БМ" была скасаваная разам з радыёстанцыяй “Беларуская маладзёжная”, дзе рэалізавалася. Далейшы працяг працы ў гэтым рэчышчы стаўся немагчымым – уладамі быў узяты курс на інфармацыйную закрытасць...
Культурніцкаму праекту "Вялікае Княства" (1992-2006) рэсурс абавязаны не толькі назвай, але і разуменнем тоеснасці гісторыі ды культуры Беларусі і дзяржаў Еўропы, неабходнасці ўвасаблення новых інфармацыйных стратэгій у асвятленні грамадскага і культурніцкага жыцця краіны.
Як і папярэднія праекты партал "Вялікае Княства" ставіць за мэту:
•_умацаванне грамадзянскай супольнасці ў краіне на грунце духоўных, культурных, гістарычных і дэмакратычных каштоўнасцяў.
•_спрыянне фарміраванню адкрытай інфармацыйнай прасторы ў Беларусі
•_садзейнічанне станаўленню паважлівых адносін да прадстаўнікоў розных народаў і веравызнанняў
•_папулярызацыю адметных гістарычных і авангардных накірункаў беларускай літаратуры, музыкі, мастацтва
•_падтрымку творчых людзей, якія па сваім фармаце не ўпісваюцца ў заангажаванае дзяржавай мастацтва і праекты камерцыйнага кшталту.
Вялікае Княства рэкамендуе
On-line часопіс Вялікае Княства 2006-2008
Мінск • Беласток • Варшава • Масква
|
 |
|
